ბენფიკა ჟოზე მოურინიოსთან ახალ კონტრაქტზე მოლაპარაკებების დაჩქარებას გეგმავს, რათა მადრიდის რეალის მხრიდან მზარდი ინტერესი გაანეიტრალოს.
პორტუგალიური კლუბი ყველაფერს აკეთებს იმისთვის, რომ მწვრთნელი ესტადიო და ლუჟზე დატოვოს.
ესპანურ გრანდში მწვრთნელის შეცვლა თითქმის გარდაუვალია, რადგან ალვარო არბელოამ ვერ შეძლო ჩაბი ალონსოს მიერ დაწყებული საქმის გაგრძელება და გუნდი ლა ლიგის საჩემპიონო რბოლას გამოეთიშა.
რეალი ამჟამად ლიდერ ბარსელონას 10 ქულით ჩამორჩება, ხოლო კატალონიელებს ტიტულის მოპოვება მომდევნო უქმეებზე, ელ კლასიკოში გამარჯვების შემთხვევაში შეუძლიათ.
მადრიდელებს მოურინიოს დაბრუნება სურთ, თუმცა ბენფიკა მასთან თანამშრომლობის 2028 ან 2029 წლამდე გახანგრძლივებას ცდილობს. კლუბის პრეზიდენტი რუი კოშტა მწვრთნელს უკვე შეხვდა მომავალი სეზონის გეგმების განსახილველად.
მოურინიოს მოქმედ ხელშეკრულებაში არსებობს 3.5 მილიონ ევროიანი გამოსასყიდი პუნქტი, თუმცა ის მხოლოდ სეზონის დასრულებიდან 10 დღის განმავლობაში იქნება აქტიური. ამ ვადის გასვლის შემდეგ ნებისმიერ მსურველს მოლაპარაკება პირდაპირ ბენფიკასთან მოუწევს, რაც პორტუგალიელების სიმკაცრის გათვალისწინებით საკმაოდ რთული იქნება.
