კარიმ ბენზემა და ალ-ჰილალი ექვსთვიან კონტრაქტზე შეთანხმდნენ, იუწყება ავტორიტეტული ჟურნალისტი სანტი აუნა.
როგორც იცით, ფრანგმა ლეგენდამ ალ იტიჰადის მაისურით თამაში მას შემდეგ იუარა, რაც კლუბის მიერ ახალ კონტრაქტზე გაკეთებული შეთავაზებით თავი შეურაცხყოფილად იგრძნო — კერძოდ, კლუბმა მას შესთავაზა, რომ ახალი ხელშეკრულებით ოფიციალური ხელფასი არ ექნება, სამაგიეროდ საავტორო უფლებებიდან შემოსული თანხის სრულად მიღება შეეძლება.
ამ შეთავაზების შემდეგ, ფეხბურთელმა ალ იტიჰადისთვის თამაში იუარა და სხვაგან გადასვლა გადაწყვიტა.
როგორც ზემოთხსენებული ჟურნალისტი წერს, ბენზემამ ალ ჰილალთან კონტრაქტი სეზონის ბოლომდე უკვე შეათანხმა.
თუმცა, მხარეებს შორის ჯერ კიდევ შესათანხმებელია შემდგომი კონტრაქტის პირობები და სწორედ ამაზე აწარმოებენ ამ ეტაპზე ისინი მოლაპარაკებებს.
თუ ყველაფერმა გეგმის მიხედვით ჩაიარა, მინიმუმ ამ სეზონის დარჩენილ ნაწილს ბენზემა საუდის პრო ლიგის ლიდერის რიგებში გაატარებს.
გასულ სეზონში ბენზემამ ალ იტიჰადთან ერთად მეორედ შეძლო ქვეყნის ჩემპიონატის მოგება, წელს კი პირველ ადგილს ალ ჰილალი იკავებს, რომელიც უახლოეს მდევარ ალ ნასრს სამი ქულით უსწრებს, მოქმედი ჩემპიონი კი ამ ეტაპზე მე-6 ადგილზეა.
