ოფიციალურად: იუვენტუსმა ნიცას ნახევარმცველი დაიმატა

ნახევარმცველი ჟერემი ბოგა სეზონის დარჩენილ ნაწილს იუვენტუსში გაატარებს.

ტურინულმა კლუბმა ივუარელი ფეხბურთელი ნიცადან იჯარით, სეზონის ბოლომდე დაიმატა. ხელშეკრულებაში ჩადებულია გამოსყიდვის უფლება — 4,8 მილიონი ევრო, რომლის გადახდაც ორ სეზონზე გადანაწილდება.

შეგახსენებთ, რომ 1 დეკემბერს ნიცას გულშემატკივრები მოთამაშეებს დაესხნენ თავს ზედიზედ მე-6 მარცხის შემდეგ.

ფანებმა ბოგას და ტერემ მოფის ფიზიკური და სიტყვიერი შეურაცხყოფა მიაყენეს და სოციალურ ქსელებში დაწერეს, რომ ვერცერთი მათგანი კლუბში ვეღარ ითამაშებდა.

მას შემდეგ ბოგა მოედანზე აღარ გამოსულა. მიმდინარე სეზონში 29 წლის ნახევარმცველმა ლიგა 1-ში 14 მატჩში 2 გოლი გაიტანა და 2 საგოლე გადაცემა შეასრულა.