გერმანული პრესა ლევერკუზენიდან ერიკ ტენ ჰაგის გათავისუფლების მიზეზებზე საუბრობს.
ნიდერლანდელი სპეციალისტი თანამდებობიდან ბუნდესლიგის მხოლოდ ორი ტურის შედეგად დაითხოვეს, რომელშიც გუნდმა 1 ქულა დააგროვა.
"უპრეცენდენტო შემთხვევაა", - ტენ ჰაგი ლევერკუზენიდან გაშვებას გამოეხმაურა
Sport Bild-ის ინფორმაციით, ნიდერლანდელმა მოკლე პერიოდში თავის წინაღმდეგ განაწყო ფეხბურთელები, ხელმძღვანელობა და კლუბის ყველა დეპარტამენტი.
დანიშვნიდან ძალიან მალევე, კლუბის ხელმძღვანელობამ ტენ ჰაგი გადაწყვეტილებების მიღების პროცესიდან გამოთიშა. კონფლიქტი გაღვივდა მას შემდეგ, რაც მწვრთნელმა საჯაროდ მოითხოვა ტრანსფერები და ასევე პრესაში გააკრიტიკა გრანიტ ჯაკას გაყიდვა.
ფეხბურთელებთან მწვრთნელის ურთიერთობა ასევე ძალიან დაძაბული იყო. გუნდი გაკვირვებული დარჩა, რომ ჰოფენჰაიმთან პირველი ტურის მატჩის წინ, ტენ ჰაგი მათ წინაშე სამოტივაციო სიტყვითაც კი არ წარმსდგარა.
გარდა ამისა, გამოცემა ხაზს უსვამს, რომ ერიკმა ფეხბურთელებამდე თავისი ტაქტიკური იდეები ვერ მიიტანა. მისი ხელმძღვანელობით ვარჯიშები ზედმეტად ხანგრძლივი იყო. მოთამაშეები გაკვირვებულები დარჩნენ, რომ ტენ ჰაგის მოსვლის შემდეგ, აზიდვებს ისეთივე დიდი მნიშვნელობა მიენიჭა, როგორც სირბილს და ბურთთან მუშაობას.
კლუბის დიდი ხნის თანამშრომლები ერთმანეთში საურობდნენ, რომ ტენ ჰაგი ლევერკუზენის ყველაზე ცუდი მწვრთნელია ბოლო 10-15 წლის განმავლობაში.
