იტალიის ნაკრების მთავარი მწვრთნელის ასისტენტმა და ლეგენდარულმა მცველმა, ლეონარდო ბონუჩიმ, ეროვნული გუნდის მომავალზე ისაუბრა.
მას შემდეგ, რაც ჯენარო გატუზომ პოსტი 2026 წლის მსოფლიო ჩემპიონატზე ვერმოხვედრის გამო დატოვა, იტალიაში ახალი მწვრთნელის ძიება აქტიურად მიმდინარეობს.
„რაც შეეხება იტალიის ნაკრების პოტენციურ მწვრთნელს, თუ განხილვად სახელებს გადავხედავთ, აშკარაა ყველაფრის თავიდან დაწყების რეალური სურვილი.
მე პირადად გვარდიოლას მოწვევის შესაძლებლობას განვიხილავდი. ეს არის ნამდვილი ცვლილება და გადახვევა იმ ყველაფრიდან, რაც ბოლო წლებში ხდებოდა. ვფიქრობ, ეს ძალიან რთული მისაღწევია, მაგრამ ოცნება საზიანო არ არის“, — განაცხადა ბონუჩიმ.
შეგახსენებთ, რომ იტალიის ნაკრები ზედიზედ მესამე მსოფლიო ჩემპიონატის მიღმა დარჩა, რამაც ქვეყანაში საფეხბურთო სისტემის სრული რეფორმირების მოთხოვნა წარმოშვა.
