კარლოს ალკარასმა არ გამორიცხა, რომ მაჯის ტრავმის გამო შესაძლოა სეზონის მეორე გრენდ სლემზე ვერ მიიღოს მონაწილეობა.
აღნიშნული დაზიანების გამო ის ბარსელონას ტურნირის მსვლელობისას მოეხსნა და უკვე დაადასტურა, რომ ვერც მშობლიურ მადრიდის მასტერსზე შეძლებს მონაწილეობას. წინ რომის მასტერსი და როლან გაროსია, სადაც ესპანელს ტიტული აქვს დასაცავი, თუმცა მისი მონაწილეობა დადასტურებული სულაც არ არის.
„უფრო სერიოზული ტრავმაა, ვიდრე დღევანდელი დილის ტესტების შედეგების ნახვისას ველოდით. უკან ვიხევ, რათა თავიდან ავიცილოთ ყოველგვარი რისკი. დიდი სინანულით ვტოვებ [ასპარეზობას], რათა რაც შეიძლება მალე დავიწყო რეაბილიტაცია და მომავალი ტურნირებისთვის მზად ვიყო.
ველოდებით ტესტს, რომელიც ამ დღეებში ჩაგვიტარდება და მის შედეგს გადამწყვეტი მნიშვნელობა ექნება გადაწყვეტილების მისაღებად. ვცდილობ, პოზიტიური განწყობა შევინარჩუნო და მოთმინება ვიქონიო.
წინ ძალიან დიდი გზაა გასავლელი, მრავალი წელი. ამ როლან გაროსზე იძულებით თამაშმა შესაძლოა სამომავლოდ დიდი ზიანი მომაყენოს.“ - აღნიშნა ალკარასმა.
შეგახსენებთ, რომ ალკარასი როლან გაროსის ბოლო ორი წლის გამარჯვებულია, წინა სეზონის ფინალში მან 5-სეტიან დრამატულ დაპირისპირებაში იანიკ სინერს 0:2-დან მოუგო.
2026 წლის როლან გაროსი 18 მაისიდან 7 ივნისის ჩათვლით პარიზის კორტებზე გაიმართება.
