საქართველოს ნაკრების მცველი საბა საზონოვი კარიერას ლა ლიგაში გააგრძელებს.
როგორც Geo Team იტყობინება, საზონოვმა ხეტაფესთან 1+1 წლიანი კონტრაქტი გააფორმა.
ფეხბურთელმა ესპანურ კლუბში სამედიცინო შემოწმება უკვე გაიარა და კონტრაქტსაც ხელი ოფიციალურად მოაწერა.
საზონოვი ხეტაფეში გადასვლასთან ახლოს ერთი წლის წინაც იყო, თუმცა მაშინ ტრანსფერის დროულად დახურვა ვერ მოესწრო.
ქართველის ბოლო კლუბი ტორინო იყო, რომელთანაც კონტრაქტი სეზონის ბოლოს ამოეწურა.
