ჯერემი ფრიმპონგის და ფლორიან ვირცის შემდეგ, ლივერპულმა ზაფხულის მე-3 ტრანსფერი დახურა.
ფაბრიციო რომანოს ინფორმაციით, მერსისაიდულმა კლუბმა ბორნმუთის მარცხენა მცველის, მილოშ კერკეზის ტრანსფერი შეათანხმა.
კლუბებს შორის შეთანხმება დაიხურა, ლივერპული კერკეზის სანაცვლოდ 40 მილიონ ფუნტს გადაიხდის.
თავად ფეხბურთელი ლივერპულთან 5-წლიან კონტრაქტს გააფორმებს. მისით სხვა ევროპული კლუბებიც ინტერესდებოდნენ, თუმცა ლივერპულის ინტერესის შემდეგ, მან არავის შემოთავაზების მოსმენაც კი აღარ მოისურვა.
21 წლის მილოშ კერკეზი ბორნმუთში 2023 წელს აზ ალკმაარიდან გადავიდა, პორტალი Transfermarkt მას 45 მილიონ ევროდ აფასებს.
