BREAKING: სუბიმენდიმ ლივერპულს უარი უთხრა!

სოსიედადის საყრდენმა ნახევარმცველმა, მარტინ სუბიმენდიმ ლივერპულს უარი უთხრა.

მერსისაიდული კლუბისთვის ესპანეთის ნაკრების ფეხბურთელი ერთ-ერთი მთავარი სამიზნე იყო, ლივერპული მზად იყო მისი გამოსასყიდი თანხა გადაეხადა 60 მილიონი ევროს ოდენობით.

თუმცა, ფაბრიციო რომანოს ინფორმაციით, სუბიმენდიმ ლივერპულისთვის უარის თქმა და მშობლიურ კლუბში დარჩენა გადაწყვიტა, რის შესახებაც დღეს მერსისაიდელებს პირადად, წერილის მეშვეობით შეატყობინა.

ლივერპული ფეხბურთელს სოსიედადზე გაცილებით მაღალ ხელფასს სთავაზობდა, თუმცა ისევე, როგორც წარსულში ბაიერნის და არსენალის შემთხვევაში, სუბიმენდიმ გრანდისთვის უარის თქმა და მშობლიურ გუნდში დარჩენა არჩია.

უახლოეს პერიოდში, სუბიმენდი სოსიედადთან ახალ კონტრაქტს გააფორმებს და მისი ხელფასიც საგრძნობლად გაიზრდება, თუმცა ახალი კონტრაქტითაც ის იმაზე ნაკლებს მიიღებს, ვიდრე ლივერპული სთავაზობდა.