როდის დაუბრუნდება ბარკოლა მოედანს? ლივერპულის მწვრთნელის განცხადება

ბრედლი ბარკოლას მერსისაიდული კარიერა საკმაოდ რთულად იწყება.

24 წლის ფრანგმა მარცხენა გარემარბმა პირველი სერიოზული დაბრკოლება ჩემპიონთა ლიგაზე, მადრიდის ატლეტიკოსთან შეხვედრაში მიიღო, როცა დაზიანების გამო მოედნის დატოვება სამოცი წუთის შემდეგ მოუწია.

ახალგაზრდა ტალანტისთვის ინგლისური სტარტი სტატისტიკურადაც არასახარბიელო აღმოჩნდა, მის ანგარიშზე სამი ჩატარებული მატჩი და ნული გოლია. ახლა კი ფეხბურთელს მიმდინარე სეზონში პირველ ტრავმასთან გამკლავება უწევს, რის გამოც მოედანზე გასვლას გარკვეული დროით ვეღარ შეძლებს.

ლივერპულის მთავარმა მწვრთნელმა, ანდონი ირაოლამ ტოტენჰემთან ინგლისის ლიგის თასის (Carabao Cup) მატჩამდე დაადასტურა, რომ ზაფხულის შენაძენი სათამაშოდ მზად ჯერ კიდევ არ არის:

ის გუნდთან ერთად სავარჯიშოდ ჯერ არ დაბრუნებულა. ინდივიდუალურად ემზადება, თუმცა ბურთთან შეხება უკვე დაიწყო. გვსურს, რომ მაქსიმალურად მალე დაგვიბრუნდეს

ესპანელი სპეციალისტის თქმით, სარეაბილიტაციო პროცესი დროს მოითხოვს. „მას გამოსაჯანმრთელებლად პერიოდი სჭირდება და ეს ცოტა გაიწელება. ამ გრძელვადიანი ტრავმების ფონზე, ვფიქრობ, სათამაშო დროის მხრივ ჯოვანი ლეონის მასთან შედარებით მცირე უპირატესობა აქვს“, - აღნიშნა ირაოლამ.