ილია თოფურიამ ოფიციალურად დაადასტურა, რომ 28 ივნისს, UFC 317-ზე გასამართ ღონისძიებაზე ან ისლამ მახაჩევს დაუპირისპირდება, ან ჩარლზ ოლივეირას.
ნებისმიერ შემთხვევაში, ეს იქნება ბრძოლა მსუბუქი წონის საჩემპიონო ქამრისთვის.
დიდწილად თოფურიას მომავალი მეტოქე 11 მაისს გასამართი ბელალ მუჰამადისა და ჯეკ დელა მადალენას შედეგზეა დამოკიდებული - თუ ბელალი მოიგებს და საჩემპიონო ქამარს შეინარჩუნებს, მაშინ ისლამ მახაჩევი მსუბუქი წონის დივიზიონში დარჩება და ქამრის დაცვა ქართველის წინააღმდეგ მოუწევს.
ხოლო იმ შემთხვევაში, თუ ტიტულს მადალენა დაემუქრება, მაშინ მახაჩევი მსუბუქი წონის საჩემპიონო ქამარს დათმობს, ქვესაშუალო წონის დივიზიონში ავა და ჩემპიონობისთვის მადალენას დაუპირისპირდება, ხოლო მსუბუქი წონის გათავისუფლებული ქამრისთვის თოფურია და ოლივეირა დაუპირისპირდებიან ერთმანეთს.
სხვათაშორის, ამის თაობაზე რამდენიმე დღის წინ საკუთარი მოსაზრება თავად ბელალ მუჰამადმაც გამოთქვა და მახაჩევს თოფურიასთან ბრძოლაზე დათანხმება ურჩია, რადგან მისი თქმით, საჩემპიონო ქამრის დათმობას ის ახლო მომავალში არ აპირებს.
ილია თოფურია ძველ მეტსახელს იბრუნებს
