მანჩესტერ იუნაიტედის კაპიტანი ბრუნო ფერნანდეში ზამთრის სატრანსფერო ფანჯარის დროს კლუბის დატოვებას არ გეგმავს.
ბოლო დღეებში გავრცელდა ინფორმაცია, თითქოს პორტუგალიელი ნახევარმცველი მთავარი მწვრთნელის, რუბენ ამორიმის, გათავისუფლების შემდეგ, კლუბში საკუთარ მომავალზე ფიქრობდა.
ორი მატჩის განმავლობაში გუნდს დროებით დარენ ფლეტჩერი გაუძღვა, ხოლო სეზონის ბოლომდე მთავარი მწვრთნელის პოსტი მაიკლ კერიკმა დაიკავა.
თუმცა, BBC-ის ინფორმაციით, სიტუაციასთან დაახლოებულ წყაროებზე დაყრდნობით, მწვრთნელთა ცვლილებით გამოწვეული არასტაბილურობის მიუხედავად, ფერნანდეში კვლავ კლუბის ერთგულია. ფეხბურთელი სიტუაციის შეფასებას ზაფხულში გეგმავს, როცა კონტრაქტის დასრულებამდე ერთი წელი იქნება დარჩენილი.
საუდის არაბეთიდან ინტერესის მიუხედავად, 31 წლის ფეხბურთელს, თუ მანჩესტერ იუნაიტედს მაინც დატოვებს, ევროპაში სურს დარჩენა.
