რეალ მადრიდმა საკმაოდ დიდი თანხა დახარჯა ენდრიკზე, რადგან სჯეროდათ რომ ის გახდებოდა შემდეგი დიდი სუპერვარსკვლავი საფეხბურთო სამყაროში, ისევე როგორც ვინისიუს ჟუნიორი გახდა მას შემდეგ, რაც ფლამენგოდან გადმოიყვანეს თითქმის რვა წლის წინ (დრო მართლაც მიფრინავს).
მიუხედავად იმისა, რომ მადრიდისტად ყოფნის პირველ სეზონში ენდრიკს ჰქონდა კარგი ეპიზოდები და შეიძლება საუკეთესო მოთამაშეც კი იყო კოპა დელ რეიზე, 2025/26 სეზონში, ჩაბი ალონსოს მწვრთნელობისას მას შანსი არ მისცემია. პალმეირას ტალანტის არასწორად გამოყენებამ კრიტიკა გამოიწვია რეალ მადრიდის ხელმძღვანელობის მხრიდან. დღევანდელი გადმოსახედიდან ეს უფრო რეალის მწვრთნელის შეცდომას ჰგავს.
ცოტა გასაკვირია, რომ ალონსომ, რომელმაც მშვენივრად გამოიყენა ბაიერ ლევერკუზენის ახალგაზრდა ნიჭიერი გუნდი, ვერ დაინახა ენდრიკის აშკარა ტალანტი. ლიონში იჯარით ყოფნისას ენდრიკი ბრწყინავს, აქვს რეგულარული სათამაშო დრო, იტანს გოლებს და გვაჩვენებს ფეთქებადობის, ბურთის წინ წაწევისა და შანსების შექმნის მაღალ დონეს, იმას, რაც რეალ მადრიდმა ვერ გამოიყენა.
ენდრიკი კვლავ ბრწყინავს, მათ შორის ბრაზილიის ნაკრებშიც.
ახლა, როცა როდრიგო გოესი ტრავმის გამო მსოფლიო ჩემპიონატს ტოვებს, ბრაზილიას კიდევ უფრო კრიტიკულად სჭირდება ახალი ვარსკვლავის აღმოცენება. ამ დროს კი ენდრიკი იწყებს იგივე ადრეული ვარსკვლავობის ნიშნების გამოვლენას, რასაც უკვე აჩვენებს საფრანგეთის უმაღლეს ლიგაში.
VIDEO: აშშ-ში ბრაზილიის ნაკრებმა ხორვატია დაამარცხა
მართალია ბრაზილია-ხორვატია მხოლოდ ამხანაგური მატჩი იყო, თუმცა ხორვატიისა და ბრაზილიის ფეხბურთელები ამ თამაშს მაინც სერიოზულად მოეკიდნენ. ბრაზილიამ 3-1 მოიგო ლუკა მოდრიჩის წინააღმდეგ, რაშიც ენდრიკმაც შეიტანა წვლილი. ვინისიუსმა პირველი ტაიმის ბოლოს შესანიშნავი ასისტი მიითვალა, მაგრამ ყველაფერი 76-ე წუთზე ენდრიკის შემოსვლამ გაამწვავა. ენდრიკმა პენალტი გამოიმუშავა და ასისტი მიითვალა, რაც გადამწყვეტი აღმოჩნდა 3-1 მოგებისას. ხორვატია მას ვერ უმკლავდებოდა, თუ იმით ვიმსჯელებთ, რომ მის წინააღმდეგ უხეშად თამაშობდნენ, რათა როგორმე შეეჩერებინათ.
რეალ მადრიდს ამ სეზონში ნადვილად გამოადგებოდა ცაცია გენიოსი. ენდრიკი ლიონსა და ბრაზილიაში თავისი თამაშით გვაჩვენებს, რომ ის უკვე საფეხბურთო სამყაროს ერთ-ერთი უდიდესი გამანადგურებელია, რეალს კი ეს ნაპერწკალი 2026/27 წლებში ნამდვილად დასჭირდება.
