ჩემპიონმა გამარჯვებით დაიწყო

პრემიერ ლიგის პირველი ტურის ცენტრალურ მატჩში სტემფორდ ბრიჯზე ჩელსიმ მანჩესტერ სიტის უმასპინძლა.

შეხვედრა სტუმართა გამარჯვებით 0-2 დასრულდა. ანგარიში მე-18 წუთზე ერლინგ ჰალანდმა ბერნარდუ სილვას პასის შემდეგ გახსნა. ნორვეგიელი საქმეს პირველივე ტურიდან შეუდგა.

საბოლოო ანგარიში 84-ე წუთზე მატეო კოვაჩიჩმა დააფიქსირა და ქალაქელებს 3 ქულა გაუნაღდა. ხორვატმა ფეხბურთელმა ყოფილი გუნდის კარში გატანილი გოლი არ აღნიშნა.

პრემიერ ლიგის ჩემპიონმა სეზონი დამაჯერებლად დაიწყო, ენცო მარესკას კი ჩელსის მთავარი მწვრთნელის პოსტზე ოფიციალური დებიუტი წარუმატებელი გამოუვიდა.

მანჩესტერ სიტის ჩელსისთან 10-მატჩიანი წაუგებელი სერია დაუგროვდა.