ჩემპიონთა ლიგაზე ფინალური საკვალიფიკაციო ეტაპის განმეორებითი მატჩები გაიმართა და ლიგაზე გასული 3 გუნდის ვინაობაც უკვე ცნობილია.
პირველ შეხვედრაში 3-2 მარცხის შემდეგ სტამბოლში გალათასარაიმ იანგ ბოიზი მიიღო, თუმცა ორმატჩიან დუელში სცენარის შეცვლა ვერ შეძლო და 0-1 დამარცხდა. თურქები ჩემპიონთა ლიგის მიღმა დარჩნენ, ყველაზე პრესტიჟული საკლუბო ტურნირის საგზური კი შვეიცარიულმა გუნდმა მოიპოვა.
პირველ მატჩში 0-2 გამარჯვების შემდეგ ზალცბურგმა დინამო კიევს უმასპინძლა და ორმატჩიანი დაპირისპირება გამარჯვებამდე მიიყვანა, ავსტრიული შეხვედრა 1-1 დასრულდა და რედ ბულის გუნდი ჩემპიონთა ლიგაზე გავიდა, უკრაინელები კი ევროპა ლიგაზე გადაინაცვლებენ.
პრაღაში სპარტამ მალმოს უმასპინძლა და პირველი მატჩის შედეგი გაიმეორა, ჩეხებმა მეტოქე ორი შეხვედრის ჯამში 4-0 დაამარცხეს და ლიგის ბილეთი დამაჯერებლად მოიპოვეს.
დღევანდელი მატჩების შემდეგ ჩემპიონთა ლიგას კიდევ 3 გუნდი შეემატა - იანგ ბოიზი (შვეიცარია), ზალცბურგი (ავსტრია) და სპარტა პრაღა (ჩეხეთი).
დამარცხებულები კი ევროპა ლიგაზე გააგრძელებენ ასპარეზობას - გალათასარაი (თურქეთი), დინამო კიევი (უკრაინა) და მალმო (შვედეთი).
საკვალიფიკაციო ეტაპის პლეიოფში 4 მატჩია დარჩენილი და ლიგაზე მონაწილე კიდევ 4 გუნდი უნდა გაირკვეს:
ყარაბაღი (აზერბაიჯანი) - დინამო ზაგრები (ხორვატია) / 0-3
ცრვენა ზვეზდა (სერბეთი) - ბოდო/გლიმტი (ნორვეგია) / 1-2
სლავია პრაღა (ჩეხეთი) - ლილი (საფრანგეთი) / 0-2
სლოვან ბრატისლავა (სლოვაკეთი) - მიდტიულანდი (დანია) / 1-1
ჩემპიონთა ლიგაზე გასვლის შანსი საქართველოს ეროვნული ნაკრების კაპიტანს გურამ კაშიას აქვს, რომელიც ამას სლოვაკურ სლოვანთან ერთად შეეცდება.
მატჩების უფასო ლაივ სტრიმების ყურება adjarabetarena.com-ზე შეგიძლიათ.
