ბარსელონას მთავარმა მწვრთნელმა, ჰანსი ფლიკმა, გუნდში კონკურენციის საჭიროებას გაუსვა ხაზი.
როგორც იცით, უახლოეს დღეებში კატალონიური კლუბი პოლონელი მეკარის, ვოიცეხ შესნის ტრანსფერს ოფიციალურად დაადასტურებს. თუმცა, ფლიკი შესნის აფრთხილებს, რომ მას სასტარტოში ადგილი გარანტირებული არ ექნება.
„არცერთ ფეხბურთელს ჩემს გუნდში სასტარტოში ადგილი გარანტირებული არ აქვს, ეს ჩემი ერთ-ერთი პირველი წესია." - აღნიშნა ფლიკმა.
ფაბრიციო რომანოს ინფორმაციით, შესნი მწვრთნელს უკვე ელაპარაკა და ინიაკი პენიასთან კონკურენციასთან არანაირი პრობლემა არ აქვს.
