ლონდონის პალადიუმის თეატრში გამართული 2026 წლის ოქროს ბურთის დაჯილდოება ბარსელონას სრული ტრიუმფით დასრულდა.
კატალონიური გუნდი წლის საუკეთესო ქალთა საფეხბურთო კლუბად დასახელდა, რითაც სპორტის ამ სახეობაში საკუთარ უდავო დომინაციას კიდევ ერთხელ გაუსვა ხაზი.
მსოფლიოს საუკეთესო ახალგაზრდა ფეხბურთელად ესპანელი ვიკი ლოპესი აღიარეს, რომელსაც პრიზი ინგლისელმა ვარსკვლავმა ლუსი ბრონზმა გადასცა. აღსანიშნავია, რომ ლამინ იამალის წარმატების შემდეგ, ლოპესის ჯილდომ კიდევ ერთხელ დაამტკიცა ბარსელონას აკადემიის წარმოუდგენელი სიძლიერე.
წლის საუკეთესო მწვრთნელის ტიტული კი პერე რომეუმ მოიპოვა.კატალონიელთა ბოლოდროინდელი წარმატებების მთავარ შემოქმედს საპატიო ჯილდო ლეგენდარულმა რაფა ბენიტესმა გადასცა.
ბარსელონას ფეხბურთელების აღიარება ამით არ დასრულებულა. წლის საუკეთესო მეკარის ჯილდო კატა კოლს ერგო, რომელმაც ქალთა ჩემპიონთა ლიგის მოგებაში გადამწყვეტი როლი ითამაშა.ესპანელმა კარის დარაჯმა გამოკითხვაში ისეთ გამორჩეულ მეტოქეებს აჯობა, როგორებიც ჩელსის,გოთამისა და მანჩესტერ სიტის მეკარეები არიან.
