მოგეხსენებათ, რედ ბულში გატარებული 20 წლის შემდეგ, ფორმულა 1-ის გუნდის თავკაცი კრისტიან ჰორნერი თანამდებობიდან გაათავისუფლეს.
ჰორნერი რედ ბულს სათავეში 2005-დან 2025 წლამდე ედგა და ამ პერიოდში ავსტრიული გუნდის ეპოქის ერთ-ერთი მთავარი შემოქმედი გახდა.
2005 - კრისტიან ჰორნერი ინიშნება რედ ბულის გუნდის თავკაცად და ხდება ყველაზე ახალგაზრდა ბოსი ფორმულა 1-ში.
2006 - ჰორნერს რედ ბულში მოჰყავს ედრიენ ნიუი, რითიც სამუდამოდ იცვლება გუნდის ტრაექტორია. რედ ბულმა მოიპოვა პირველი პოდიუმი, დევიდ კულტჰარდმა მონაკოში მე-3 ადგილი დაიკავა.
2009 - ჰორნერი გუნდში ეგებება ახალგაზრდა გერმანელ მრბოლელ სებასტიან ფეტელს. რედ ბული იგებს თავის პირველ რბოლას ჩინეთის გრან პრის სახით და იმავე სეზონში ამატებს კიდევ 5 გამარჯვებას.
2010 - ჰორნერი რედ ბულს უძღვება პირველი კონსტრუქტორთა თასისა და მრბოლელთა ჩემპიონობისკენ, რომელიც სებასტიან ფეტელის ტრიუმფით დასრულდა.
2010-2013 - ჰორნერი აგრძელებს მომენტუმს და იგებს ზედიზედ 4 კონსტრუქტორთა თასს, სებასტიან ფეტელი კი ზედიზედ 4-ჯერ ხდება ფორმულა 1-ის ჩემპიონი.

2014 - მიუხედავად ჩემპიონატის ვერმოგებისა, ჰორნერის ახალი კადრი დანიელ რიკიარდო მაინც ახერხებს 3 რბოლაში გამარჯვებას, ფეტელი კი წლის ბოლოს ფერარიში გადადის.
2016 - მოუგებელი 2015 წლის შემდეგ, შუა სეზონში მნიშვნელოვანი გადაწყვეტილება გამოცხადდა და მაქს ვერსტაპენი ტორო როსოდან გუნდს შეუერთდა. მან მაშინვე გაამართლა ჰორნერის ნდობა და რედ ბულში დებიუტი გამარჯვებით აღნიშნა.
2021 - რედ ბულმა საბოლოოდ კვლავ დაიპყრო ჩემპიონატი და კრისტიანი გუნდს ბოლო 8 წელიწადში პირველი ტიტულისგან გაუძღვა, მაქს ვერსტაპენი ჩემპიონი გახდა.
2023 - კრისტიანი რედ ბულს ფორმულა 1-ის ისტორიაში ყველაზე დომინანტური სეზონისკენ გაუძღვა, გუნდმა 22-დან 21 რბოლა მოიგო და ისტორიაში მე-6 კონსტრუქტორთა ჩემპიონობა დაიმსახურა.
2024 - კონკურენტულ სეზონში რედ ბულმა კვლავ მოახერხა ჩემპიონობა მრბოლელთა დავაში, მაქს ვერსტაპენი ჩემპიონი ზედიზედ მეოთხედ გახდა.

ამ 20 წლის განმავლობაში რედ ბულის ბოლიდში 14 მრბოლელი ვიხილეთ:
მაქს ვერსტაპენი, მარკ უებერი, სებასტიან ფეტელი, დანიელ რიკიარდო, სერხიო პერესი, დევიდ კულტჰარდი, კრისტიან კლიენი, ალექს ალბონი, დანიილ კვიატი, პიერ გასლი, იუკი ცუნოდა, ვიტანტონიო ლიუცი, რობერტ დურნბოსი, ლიამ ლოუსონი
კრისტიანის მონაგარი რედ ბულში ასეთი გამოვიდა:
6 x კონსტრუქტორთა თასი
8 x ჩემპიონი მრბოლელი
124 x მოგებული რბოლა
12 x მოგებული სპრინტი
287 x პოდიუმი
107 x პოულ პოზიცია
100 x უსწრაფესი წრე
კრისტიან ჰორნერის ადგილს რედ ბულში ლორენ მეკისი დაიკავებს, რომელიც აქამდე რეისინგ ბულსის თავკაცი იყო.