რამდენიმეკვირიანი პაუზის შემდეგ ფორმულა 1 ნიდერლანდების გრან პრით დაბრუნდა.
კვალიფიკაციაზე მოპოვებული პოულ პოზიცია მაკლარენის მრბოლელმა, ოსკარ პიასტრიმ ბრწყინვალედ დაიცვა და მთელი რბოლის განმავლობაში ლიდერობდა, საბოლოოდ კი გამარჯვებაც მოიპოვა.
ავსტრალიელის თანაგუნდელმა, ლანდო ნორისმა რბოლის დასაწყისში მაქს ვერსტაპენთან (რედ ბული) მე-2 პოზიცია დათმო, თუმცა მოგვიანებით ადგილიდაიბრუნა.
ყველაფერი მაკლარენის დუბლს მოასწავებდა, მაგრამ ბრიტანელმა ბოლიდის ძრავის პრობლემის გამო რბოლის დასრულება ვერ მოახერხა.
ამით კი მაქს ვერსტაპენმა და ისაკ ჰაჯარმა (რეისინგ ბულსი) ისარგებლეს და პოდიუმზე ადგილი დაიკავეს.
საბოლოოდ ნიდერლანდების გრან პრიზე ქულები ასე განაწილდა.
1. ოსკარ პიასტრი (მაკლარენი) - 25 ქულა
2. მაქს ვერსტაპენი (რედ ბული) - 18 ქულა
3. ისაკ ჰაჯარი (რეისინგ ბულსი) - 15 ქულა
4. ჯორჯ რასელი (მერსედესი) - 12 ქულა
5. ალექს ალბონი (უილიამსი) - 10 ქულა
6. ოლი ბერმანი (ჰაასი) - 8 ქულა
7. ლანს სტროლი (ასტონ მარტინი) - 6 ქულა
8. ფერნანდო ალონსო (ასტონ მარტინი) - 4 ქულა
9. იუკი ცუნოდა (რედ ბული) - 2 ქულა
10. ესტებან ოკონი (ჰაასი) - 1 ქულა
დღევანდელი გამარჯვებითა და ნორისის DNF-ით საჩემპიონო დავაში ოსკარ პიასტრის უპირატესობა გაიზარდა.
1. ოსკარ პიასტრი - 309 ქულა
2. ლანდო ნორისი - 275 ქულა
3. მაქს ვერსტაპენი - 205 ქულა
4. ჯორჯ რასელი - 184 ქულა
კონსტრუქტორთა დავაში კი მაკლარენი კვლავ დიდ უპირატესობას ფლობს.
1. მაკლარენი - 584 ქულა
2. ფერარი - 260 ქულა
3. მერსედესი - 248 ქულა
4. რედ ბული - 214 ქულა
ფორმულა 1-ის მომდევნო გრან პრი იტალიაში, მონცას ტრასაზე 5-7 სექტემბერს გაიმართება.
