საქართველო 2027 წლის ევროპის ახალგაზრდულ ჩემპიონატს უმასპინძლებს. ინფორმაციას საქართველოს ძიუდოს ფედერაცია ავრცელებს.
"გადაწყვეტილება მიღებულია - თბილისში გამართული 2026 წლის ისტორიული ევროპის ჩემპიონატის შემდეგ, ძიუდოს ევროპის კავშირმა (EJU) საქართველოს კიდევ ერთი დიდი ტურნირის ორგანიზების ჩატარების საშუალება მისცა!
სპორტის მინისტრ შალვა გოგოლაძისა და EJU-ს პრეზიდენტ ლასლო ტოთის შეხვედრაზე საბოლოოდ დადასტურდა, რომ 2027 წელს ევროპის ახალგაზრდულ ჩემპიონატს საქართველო უმასპინძლებს", - აღნიშნულია განცხადებაში.
ცნობისთვის, საქართველომ ძიუდოს ევროპის ჩემპიონატს (უფროსებში) მეორედ უმასპინძლა - 2009 და 2026. აქვე შეგახსენებთ, რომ ჩვენს ქვეყანაში 2029 წლის მსოფლიო ჩემპიონატი ჩატარდება.
