ESPN-ის ჟურნალისტის, შამს ჩარანიას ინფორმაციით, დალას მავერიქსი და ვაშინგტონ უიზარდსი გაცვლაზე შეთანხმდნენ.
ვაშინგტონში 10-გზის ოლ-სტარი ენტონი დევისი, ჯეიდენ ჰარდი, დ'ანჯელო რასელი და დანტე ეგზამი გადავლენ, დალასი კი კრის მიდლტონს, ეიჯეი ჯონსონს, მალაკი ბრენჰემს, მარვინ ბეგლი III-ს, პირველი რაუნდის ორ არჩევანსა და მეორე რაუნდის სამ არჩევანს მიიღებს.
ამ გაცვლის მთავარი მონაწილე 32 წლის ენტონი დევისია, რომლის კარიერაშიც ეს მე-4 გუნდი იქნება - ნიუ ორლეანს პელიკანსი (2012-2019), ლოს ანჯელეს ლეიკერსი (2019-2025), დალას მავერიქსი (2025-2026) და ახლა უკვე ვაშინგტონ უიზარდსი.
გასულ წელს ენტონი დევისი NBA-ის ისტორიაში ერთ-ერთი ყველაზე ხმაურიანი გაცვლის მონაწილე გახდა. დალას მავერიქსმა ლუკა დონჩიჩი სწორედ მასში გაცვალა.
თუმცა დევისის კარიერა დალასში არ აეწყო, რისი მიზეზიც ძირითად შემთხვევაში ტრავმები გახდა, რომლის გამოც ხშირად ის თამაშს ვერ ახერხებდა.
