VIDEO: როგორც იქნა! - დალასმა 32-წლიანი უცუდესი სერია ლეიკერსთან შეწყვიტა

დალას მავერიქსმა როგორც იქნა საშინაო შეხვედრა მოიგო და 14-მატჩიანი წაგებათა სერია შეწყვიტა.

ტექსასელებმა თავიანთ ყოფილ ლიდერ ლუკა დონჩიჩის, ასევე, ოსტინ რივზისა და მარკუს სმარტს გარეშე დარჩენილ ლეიკერსს 134:126 აჯობეს და 23 იანვრის შემდეგ პირველ საშინაო შეხვედრაში გაიმარჯვეს.

მავერიქსს ამაზე ხანგრძლივი საშინაო წაგებათა სერია 1994 წელს ჰქონდა, როცა ახლა უკვე დანგრეულ რეუნიონ არენაზე, მიჯრით 19-ჯერ დამარცხდნენ.

მორიგი სუპერ პერფორმანსი ჰქონდა უკვე NBA-ის ყველა დროის რეკორდსმენ კუპერ ფლეგს, რომელმაც კალიფორნიელებს 45 ქულა ჩაუგდო, ბურთი 8-ჯერ მოუხსნა და 9-ჯერ შედეგიანი გადაცემაც გააკეთა. 

კუპერ ფლეგი, ალენ აივერსონის შემდეგ (1996-97 წ.), პირველი ახალბედაა, რომელმაც NBA-ის ზედიზედ ორ მატჩში 40+ ქულა მოაგროვა - წინა მატჩში ორლანდოს 51 ქულა ჩაუგდო და NBA-ის ყველა დროის რეკორდი დაამყარა.

სამმაგ დუბლამდე 1 მოხსნა დააკლდა ლებრონ ჯეიმსს (30 ქულა, 9 მოხსნა, 15 ასისტი), რაც მისივე თანაგუნდელმა ლუკ კენარდმა მოახერხა - 15 ქულა, 16 მოხსნა, 11 ასისტი.

78 შეხვედრის შემდეგ, დალასმა 25-ე გამარჯვება მოიპოვა და დასავლეთ კონფერენციის მე-12 ადგილზეა. პლეი-ოფში გასვლის შანსი დიდი ხანია დაკარგული აქვს.