დარასელიას თასი 2024 - 1/2 ფინალური წყვილები გაირკვა
26 აგვ, 2024 · 0 წთ წასაკითხად
-
Aa
+
ფონტის ზომა
ვიტალი დარასელიას სახელობის თასის მე-4 სათამაშო დღეს თბილისის ზღვის ბაზაზე საპლეიოფო შეხვედრები გაიმართა, სადაც ნახევარფინალისტების ვინაობა გაირკვა.
დღის პირველ მატჩში უოტფორდი გალათასარაის დაუპირისპირდა. მატჩი ინგლისელთა გამარჯვებით 4-1 დასრულდა და უოტფორდი 1/2 ფინალში გავიდა, სადაც ვალენსიას შეხვდება. ესპანური გუნდი B ჯგუფში პირველი ადგილის მოპოვებით პირდაპირ 1/2 ფინალში მოხვდა.
მეორე თამაში კი თბილისის ლოკომოტივსა და ტურინის იუვენტუსს შორის შედგა. 1/2 ფინალის საგზური იტალიელებმა მოიპოვეს, რომლებმაც ქართველები 0-3 დაამარცხეს.
იუვენტუსი ფინალისთვის ბრძოლაში A ჯგუფის გამარჯვებულ დინამო თბილისს შეხვდება.
1/2 ფინალური დაპირისპირებები 27 აგვისტოს გაიმართება.
18:00 / ვალენსია - უოტფორდი / დავით პეტრიაშვილი არენა
21:00 / დინამო თბილისი - იუვენტუსი / დინამო არენა
მატჩების პირდაპირი ტრანსლაციების ყურება საზოგადოებრივ მაუწყებელზე შეგიძლიათ.
დინამო თბილისი და იუვენტუსი ჯგუფურ ეტაპზე უკვე შეხვდნენ ერთმანეთს. მატჩში ქართულმა გუნდმა 3-1 გაიმარჯვა.
ვიტალი დარასელიას თასი 2024 28 აგვისტოს დასრულდება.
