დავიდე ანჩელოტი შესაძლოა სერია ა-ს გუნდში დაინიშნოს

კარლო ანჩელოტის ვაჟმა, დავიდე ანჩელოტიმ, შესაძლოა სამშობლოში დაიწყოს მუშაობა.

პირველი კლუბი დავიდეს სამწვრთნელო კარიერაში ბრაზილიური ბოტაფოგო იყო, რომელიც მან რამდენიმე კვირის წინ, ორმხრივი შეთანხმების საფუძველზე დატოვა.

როგორც იტალიური La Gazzetta dello Sport იტყობინება, იტალიური პიზა, რომელიც სერია ა-ში მე-19 ადგილს იკავებს, მთავარი მწვრთნელის თანამდებობიდან ალბერტო ჯილარდინოს გაშვებას და დავიდე ანჩელოტის დანიშვნას განიხილავს.

გუნდმა სერია ა-ს 16 ტურში 11 ქულა დააგროვა და გავარდნის ერთ-ერთი მთავარი კანდიდატია. 

ბოტაფოგომ დავიდე ანჩელოტის ხელმძღვანელობით 33 მატჩში 15 გამარჯვება მოიპოვა, 10 ფრე ითამაშა და 8-ჯერ დამარცხდა.