იტალიის სერია A-ს ნოემბრის თვის საუკეთესო ფეხბურთელი 38 წლის ჯეიმი ვარდი გახდა.
კრემონეზეს ინგლისელმა შემტევმა გამოკითხვაში მაიკ მენიანს, ლაუტარო მარტინესს, დავიდ ნერეშს, ლეო ოსტიგორსა და ნიკოლო ძანიოლოს აჯობა.
ვარდიმ ნოემბრის თვეში ჩატარებულ 4 მატჩში 3 გოლი მიითვალა - იუვენტუსს გაუტანა, ბოლონიასთან კი საერთოდ დუბლი შეასრულა.
38 წლისა და 11 თვის ჯეიმი ვარდი ამ ნომინაციის მე-2 ყველაზე ასაკოვანი გამარჯვებულია - 2020 წლის ოქტომბერში ჯილდო 39 წლისა და 1 თვის ზლატან იბრაჰიმოვიჩმა მიიღო.
სერია A-ში თვის საუკეთესო ფეხბურთელს 2019 წლის სექტემბრიდან მოყოლებული ავლენენ - რეკორდსმენი პაულო დიბალაა, რომელიც 5-ჯერ გამოარჩიეს, ერთით ნაკლები ჯილდო ხვიჩა კვარაცხელიას აქვს, ხოლო რაფაელ ლეაუ საუკეთესოდ 3-ჯერ აღიარეს.
