მანჩესტერ იუნაიტედის მცველმა, მატიას დე ლიხტმა, ინდივიდუალური ვარჯიში დაიწყო.
ნიდერლანდელი ფეხბურთელი ნოემბრის შემდეგ ზურგის ტრავმის გამო ვერ თამაშობდა. მიუხედავად იმისა, რომ სეზონის დასრულებამდე ოთხი კვირა რჩება, გუნდის მწვრთნელი, მაიკლ კერიკი, მის მოედანზე ნაადრევად დაბრუნებას გამორიცხავს.
კერიკმა დაადასტურა, რომ ფეხბურთელი რეაბილიტაციას გადის, თუმცა მასზე ზეწოლას არავინ ახდენს:
მატიასი ფორმის აღდგენაზე მუშაობს. ის უკვე ბალახზე ვარჯიშობს და ეს პროგრესია, თუმცა მეტს ვერაფერს გეტყვით. გვსურს, რაც შეიძლება მალე დაგვიბრუნდეს, მაგრამ ამას მხოლოდ მაშინ გავაკეთებთ, როცა ის სრულად მზად იქნება. არანაირი ზეწოლა და ვადები არ არსებობს
სატრანსფერო გეგმები და დაცვის ხაზი
მიუხედავად იმისა, რომ კლუბს ტოტენჰემის მცველს, მიკი ვან დე ვენს უკავშირებენ, კერიკი მიიჩნევს, რომ დაცვის ცენტრი გუნდისთვის პრიორიტეტული პრობლემა არ არის. მის განკარგულებაში არიან ლისანდრო მარტინესი, ჰარი მაგუაიერი, ლენი იორო და ახალგაზრდა ეიდენ ჰევენი.
ამ მომენტში ეს ჩემთვის შემაშფოთებელი ზონა არ არის. ჩვენ გვყავს გამოცდილი, მაღალი ხარისხის მქონე და იმედისმომცემი ახალგაზრდა მოთამაშეების კარგი ნაზავი
ბუნდოვანი რჩება თავად კერიკის მომავალიც. INEOS სატრანსფერო სვლებსა და მწვრთნელის საკითხზე საბოლოო გადაწყვეტილებას სეზონის დასრულების შემდეგ მიიღებს, რაც დამოკიდებული იქნება იმაზე, მოხვდება თუ არა გუნდი ჩემპიონთა ლიგაზე.
