კერიკი: "ჩემპიონთა ლიგის საგზური ზეიმის მიზეზი არ არის"

მაიკლ კერიკმა თავისი ფეხბურთელები გააფრთხილა, რომ ჩემპიონთა ლიგის საგზურის მოპოვება გადაჭარბებული ზეიმის მიზეზი არ უნდა გახდეს.

მანჩესტერ იუნაიტედი ევროპის ელიტარულ ტურნირს კიდევ უფრო მიუახლოვდა მას შემდეგ, რაც შინ ბრენტფორდი 2:1 დაამარცხა კაზემიროსა და ბენჟამინ შეშკოს გოლების წყალობით.

კერიკი მიიჩნევს, რომ გუნდი დარჩენილ მატჩებში მაქსიმალური ქულების დაგროვებაზე უნდა იყოს ფოკუსირებული. მისი თქმით, ჩემპიონთა ლიგა მნიშვნელოვანია, თუმცა ეს არ არის ის მიღწევა, რომელიც განსაკუთრებულ აღნიშვნას იმსახურებს. იუნაიტედის თავკაცს სურს, რომ გუნდი ცხრილში უფრო მაღალი ადგილებისთვის იბრძოდეს და მეტი ქულა დააგროვოს. მან ხაზი გაუსვა, რომ სეზონი საგზურის განაღდებით არ სრულდება და წინ კიდევ ბევრი სამუშაოა.

მატჩში თავი გამოიჩინა კაზემირომ, რომლისთვისაც ეს სეზონში მეცხრე გოლი იყო. კერიკმა დაადასტურა, რომ ბრაზილიელი ნახევარმცველი ზაფხულში კლუბს დატოვებს. მწვრთნელმა კაზემირო მისი გავლენისთვის, გამოცდილებისა და პროფესიონალიზმისთვის შეაქო. მისი თქმით, მას შემდეგ, რაც ის გუნდში მოვიდა, ბრაზილიელმა ყველაფერი გაიღო და სასიამოვნოა, რომ მას გულშემატკივრებთან ასეთი მჭიდრო კავშირი აქვს, მიუხედავად იმისა, რომ ფეხბურთში მოთამაშეების მოსვლა და წასვლა ჩვეულებრივი პროცესია.