საფრანგეთში პროფესიონალ ფეხბურთელთა გაერთიანების (UNFP) დაჯილდოვება მიმდინარეობს, სადაც საფრანგეთის ლიგა 1-ისა და ლიგა 2-ის საუკეთესო ფეხბურთელიც გამოვლინდა.
მეორე ლიგის საუკეთესო ფეხბურთელად, როგორც უკვე გითხარით, ქართველი ზურიკო დავითაშვილი დასახელდა.
დავითაშვილი ლიგა 2-ის სეზონის საუკეთესო მოთამაშედ დასახელდა!
ლიგა 1-ის საუკეთესოდ კი პსჟ-ს შეტევის ერთ-ერთი ლიდერი, უსმან დემბელე დაასახელეს, რომელმაც 32 შესაძლოდან მხოლოდ 20 მატჩში მიიღო მონაწილეობა და 10 გოლი და 6 საგოლე გადაცემა მიითვალა.
გამოვლინდა ასევე ლიგა 1-ის საუკეთესო ახალგაზრდა ფეხბურთელიც - ეს წოდება ასევე პსჟ-ს შემტევს, ერგო.
რაც შეეხება საზღვარგარეთ მოთამაშე საუკეთესო ფრანგ ფეხბურთელს, ეს ჯილდო არა კილიან მბაპეს, როგორც წინა წელს, არამედ ბაიერნის შემტევ მაიკლ ოლისეს გადაეცა, რომელიც ფენომენალურ საკლუბო სეზონს ატარებს და ბუნდესლიგის 31 მატჩში 15 გოლი და 21 საგოლე გადაცემა მიითვალა.
