არაბთა გაერთიანებული საემიროების დედაქალაქ აბუ დაბიში დასრულებულ ძიუდოს გრან სლემზე, საქართველოს ნაკრებს რიგით მე-3 მედალი ირაკლი დემეტრაშვილმა მოუტანა.
ქართველმა სპორტსმენმა, +100 კგ. წონით კატეგორიაში, 1/2 ფინალური შეხვედრა მონღოლ გონჩიგსურენ ბატხუიაგთან დათმო, რის შემდეგაც რეპეშაჟის ფინალში გადაინაცვლა, გადამწყვეტი ბრძოლა მოიგო და მედალს დაეუფლა. სხვათა შორის, ამავე წონის მეორე ბრინჯაოს მედალი აზერბაიჯანის სახელით მოასპარეზე უშანგი კოკაურმა მოიპოვა.
საქართველოს ნაკრებმა აბუ დაბის გრან სლემი 3 მედლით დაასრულა - ლაშა ბექაური (-90 კგ.) ჩემპიონი გახდა, ხოლო გიორგი სარდალაშვილმა (-60 კგ.) ასევე ბრინჯაოს მედალი მოიგო.
