დეპაიმ ვან პერსის გადაასწრო და ნიდერლანდების ნაკრების ყველა დროის ბომბარდირი გახდა

მემფის დეპაი ნიდერლანდების ნაკრების ყველა დროის საუკეთესო ბომბარდირი ერთპიროვნულად გახდა.

დეპაი აქამდე რეკორდს რობინ ვან პერსისთან იყოფდა - 50-50 გოლით, ლიეტუვას ნაკრებთან შესრულებული დუბლით, 52 გოლი მოაგროვა და პირველ ადგილზე გადაინაცვლა.

ნიდერლანდების ნაკრების ისტორიაში ტოპ-5 ბომბარდირი:

1. მემფის დეპაი - 52 გოლი (2013-);

2. რობინ ვან პერსი - 50 გოლი (2005-2017);
3. კლაას-იან ჰუნტელაარი - 42 გოლი (2006-2015);
4-5. დენის ბერგკამპი - 37 გოლი (1990-2000);
4-5. არიენ რობენი - 37 გოლი (2003-2017).

მოქმედ ფეხბურთელთაგან, ყველაზე მეტი გოლი კოდი ხაკპოს აქვს გატანილი - 15, დონიელ მალენსა და დენზელ დუმფრისს - 11-11.

მემფის დეპაი ნიდერლანდების ნაკრებში 2013 წლიდან თამაშობს და, სტატისტიკის მიხედვით, გოლი ყოველ მეორე თამაშში გააქვს - 104 შეხვედრაში 52. სადებიუტო გოლები 2014 წლის მსოფლიო ჩემპიონატის ჯგუფურ ეტაპზე შეაგდო - ავსტრალიასთან და ჩილესთან.