დევისმა ბაიერნთან კონტრაქტი გაახანგრძლივა

ალფონსო დევისმა ბაიერნთან კონტრაქტი 2030 წლის ივნისამდე გაახანგრძლივა.

24 წლის კანადელი მიუნხენურ კლუბს 2018/19 წლების სეზონში ვანკუვერ უაითქეფსიდან შეუერთდა.

"ძალიან ბედნიერი ვარ ამ დიდებულ კლუბთან კონტრაქტის გახანგრძლივებით. 18 წლის ვიყავი, როცა ბაიერნში მოვედი და მინდოდა რაც შეიძლება მეტი მესწავლა, რათა ჩემს პოზიციაზე ერთ-ერთი საუკეთესო ვყოფილიყავი.

აქ კიდევ 5 წელს გავატარებ. ბევრს მივაღწიე, მაგრამ წინ კიდევ მეტია." - განაცხადა დევისმა ახალი ხელშეკრულების გაფორმების შემდეგ.

ალფონსომ ბაიერნში ჩატარებულ 220 მატჩში 12 გოლი და 34 საგოლე გადაცემა მიითვალა. მან გუნდთან ერთად 5 ბუნდესლიგა, ჩემპიონთა ლიგა, უეფას სუპერ თასი, ფიფას საკლუბო მსოფლიო ჩემპიონატი, 2 გერმანიის თასი და 3 სუპერთასი მოიგო.

თვეების განმავლობაში, როცა კანადელი ბაიერნთან კონტრაქტს არ ახანგრძლივებდა, ხშირად იწერებოდა მადრიდის რეალის ინტერესზე მის მიმართ, თუმცა საბოლოოდ მარცხენ მცველმა მიუნხენურ კლუბთან ახალი ხელშეკრულება გააფორმა.