12 სექტემბერს შავი ლომი ფრანგი სპეციალისტის, პიერ-ანრი ბრონკანის ხელმძღვანელობით პირველ ამხანაგურ მატჩს გამართავს.
ავჭალაზე ქართული ფრენჩაიზი გაერთიანებული რაგბის ჩემპიონატის იტალიურ კლუბს, ბენეტონს დაუპირისპირდება.
შეხვედრა მოსამზადებელი ხასიათისაა და ორივე გუნდი გაფართოებული შემადგენლობით ითამაშებს. შავი ლომის განაცხადში 32 მოთამაშეა, მათ შორის დებიუტანტები და ორი ლეგიონერი - მაიკლ ქარი სასტარტო შემადგენლობაშია, ხოლო ლეავასა პოტუ სათადარიგო სკამზე იმყოფება.
აღსანიშნავია, რომ ჯეიმს ამაანიმ გუნდი დატოვა და შავ ლომში აღარ ითამაშებს.
ამ მატჩის შემდეგ ქართული გუნდი ინგლისში გაემგზავრება და პრემიერშიფის ჩემპიონ ნორთჰემპტონს შეხვდება, სამშობლოში დაბრუნების შემდეგ კი თბილისის თასზე სამხრეთაფრიკულ გუნდებს დაუპირისპირდება.
