VIDEO: ქართველი მორაგბეების ბრწყინვალება საფრანგეთში

საფრანგეთის სარაგბო ჩემპიონატის რანგით მეორე დივიზიონის (PRO D2) მორიგი ტური ქართველი მორაგბეების მორიგი ბრწყინვალე და შედეგიანი თამაშით დასრულდა, რამაც ფრანგულ მედიასა და გულშემატკივრებში დიდი გამოხმაურება ჰპოვა.

ანგულემის შემადგენლობაში სეზონში პირველი ლელო მიითვალა გიორგი ჯავახიამ, რომელმაც ნარბონთან გასვლით მატჩში გელა აფრასიძისგან მიიღო ბურთი და მეტოქის ჩათვლის მოედანში ეფექტურად შეიტანა, თუმცა მიუხედავად ქართველი ლეგიონერების კარგი თამაშისა, მასპინძლებმა საბოლოოდ მაინც მოახერხეს უპირატესობის მოპოვება და შეხვედრა 31:26 მოიგეს.

ასევე ძალიან შთამბეჭდავი გამოდგა ლუკა მატკავას თამაში, რომლის ზუსტმა დარტყმებმაც ოიონას უმნიშვნელოვანესი გასვლითი გამარჯვება მოუტანა აჟენის წინააღმდეგ. მატჩი მჭიდრო ბრძოლაში წარიმართა და 19:17 დასრულდა, სადაც გამარჯვებულთა 19 ქულიდან ზუსტად 14 ქართველი მორაგბის ანგარიშზე აღმოჩნდა.

მატკავამ ერთი გარდასახვა და ოთხი საჯარიმო შეასრულა უზადოდ, ხოლო მთავარი და გადამწყვეტი ქულები გუნდს შეხვედრის დასრულებამდე ზუსტად ორი წუთით ადრე, 78-ე წუთზე გატანილი რთული საჯარიმოთი მოუტანა.