დი მარია: "ბოლო მატჩისთვის მზად არ ვარ, მაგრამ დრო მოვიდა"

კოპა ამერიკა 2024-ის 1/2 ფინალურ მატჩში არგენტინის ნაკრებმა კანადა დაამარცხა და ფინალში გავიდა.

მოქმედი ჩემპიონი ტიტულის შენარჩუნებას შეეცდება. ფინალური შეხვედრა განსაკუთრებული იქნება ანხელ დი მარიასთვის, რომელიც ნაკრებში ბოლო მატჩს ჩაატარებს.

"ეროვნულ გუნდში ბოლო მატჩის ჩატარებისთვის მზად არ ვარ, მაგრამ დრო მოვიდა. ფინალში რაც არ უნდა მოხდეს, ვფიქრობ, წინა კარიდან გასვლა შემეძლება, მე ყველაფერი გავეცი.

ამ მაისურისთვის ყოველთვის ბოლომდე ვიბრძოდი, მადლობელი ვარ ყველასი, ვინც მხარს მიჭერდა.

კანადასთან მოედანზე გასვლის წინ მესი გასახდელში სიტყვით გამოვიდა და თქვა, რომ ფინალში ჩემთვის უნდა გავსულიყავით, ამან კი სიამაყით ამავსო. ამ ხალხმა ყველაფერი მომცა." - განაცხადა არგენტინელმა.

ანხელ დი მარიამ ალბისელესტეს შემადგენლობაში 144 მატჩი ჩაატარა და 31 გოლი გაიტანა. მან ნაკრებთან ერთად კოპა ამერიკა, მსოფლიო ჩემპიონატი და ფინალისიმა მოიგო. დი მარიამ სამივე ფინალში შეძლო გოლის გატანა.

36 წლის ასაკში ანხელი სანაკრებო კარიერას ასრულებს.