ანხელ დი მარიამ ლიონელ მესი და კრიშტიანუ რონალდუ შეადარა.
დი მარია რონალდუსთან ერთად რეალში თამაშობდა, მესისთან კი — არგენტინის ნაკრებში.
— მოახდინა თუ არა შენზე გავლენა კრიშტიანუს სამუშაო ეთიკამ?
„დიახ. პროფესიონალიზმის მხრივ კრიში ნომერ პირველია. მისი სამუშაო ეთიკა, საკუთარი დონის მუდმივად შენარჩუნება და შეუჩერებელი სურვილი, ყოფილიყო საუკეთესო, განსაკუთრებით მაშინ, როცა ლეოს ეჯიბრებოდა, ნამდვილად აღსანიშნავია. მაგრამ მისი კარიერა დაემთხვა მესის ეპოქას, რამაც მიზნის მიღწევა გაცილებით გაართულა…
— შენ ყოველთვის მესის აყენებდი პირველ ადგილზე…
„კრიში ბევრს მუშაობდა და ცდილობდა, ნომერ პირველი გამხდარიყო, მაგრამ მესი, რომელიც გასახდელში უბრალოდ მატეს სვამდა, გვიჩვენებდა, რომ მას ღმერთისგან ბოძებული ნიჭი აქვს, იყოს საუკეთესო.
