დომინაცია - ლიპარტელიანის საოცარი გამოსვლა მსოფლიო ჩემპიონატზე

უნგრეთის დედაქალაქ ბუდაპეშტში ძიუდოს მსოფლიო ჩემპიონატი საქართველოს ნაკრების ტრიუმფით დასრულდა. ჩვენი გუნდი შერეულ გუნდურ ასპარეზობაში ისტორიაში პირველად გახდა მსოფლიო ჩემპიონი და იაპონიის 7-წლიანი დომინაცია დაასრულა.

გუნდური წარმატების მიუხედავად, გამოსარჩევია ეთერ ლიპარტელიანი, რომელსაც საოცარი ტურნირი გამოუვიდა. ის ქართული ძიუდოს ისტორიაში პირველი ქალი მსოფლიო ჩემპიონი გახდა. 

ეთერმა ინდივიდუალურ ასპარეზობაში ოქროს მედალი ბრწყინვალე სვლით მოიპოვა და ხუთივე შეხვედრა იპონით ან ავასატე-იპონით მოიგო.

1/16 ფინალი - ჯუჰი კიმი (სამხ. კორეა) იპონი

1/8 ფინალი - დარია ყურბონმამადოვა (IJF) ავასატე-იპონი

1/4 ფინალი - პილა სალონენი (ფინეთი) ავასატე-იპონი

1/2 ფინალი - მაისა პარდაიევა (თურქმენეთი) იპონი

ფინალი - მომო ტამაოკი (ფინალი) ავასატე-იპონი

გუნდურ შეჯიბრებაში ლიპარტელიანმა ოთხივე ბრძოლაში ასევე კითხვის ნიშნის გარეშე იმარჯვა.

1/8 ფინალი - იუინგ ტაო (ჩინეთი) 2 იუკო

1/4 ფინალი - ჯულია კარნა (იტალია) იუკო და იპონი

1/2 ფინალი - მომო ტამაოკი (იაპონია) იპონი

ფინალი - მიმი ჰუ (სამხრეთ კორეა) იპონი

არიიიის! ისტორიაში პირველად! საქართველოს ძიუდოს ნაკრები მსოფლიო ჩემპიონია