დორტმუნდის ქამბექი - ჩემპიონთა ლიგის 1/4 ფინალში ბარსელონას მეტოქე გამოვლინდა

ჩემპიონთა ლიგის საპასუხო 1/8 ფინალურ შეხვედრაში, რომელშიც ერთმანეთს ლილი და დორტმუნდი დაუპირისპირდნენ, კიდევ ერთი 1/4 ფინალისტი გამოვლინდა.

საფრანგეთში გამართული შეხვედრა დორტმუნდმა 2:1 მოიგო, ორი მატჩის ჯამში 3:2 იმარჯვა და შემდეგ ეტაპზე გავიდა.

მე-5 წუთზე ჯონათან დევიდმა ლილი დააწინაურა და ორი მატჩის ჯამში თავისი გუნდი 2:1 გაიყვანა წინ.

თუმცა, ნიკო კოვაცის გუნდმა სიტუაცია მეორე ნახევარში შემოატრიალა, როცა 54-ზე ემრე ჯანმა შეაგდო პენალტი, 65-ზე კი ბეიერმა გამარჯვების გოლი გაიტანა.

დორტმუნდმა დარჩენილ დროში საქმე ბოლომდე მიიყვანა და 1/4 ფინალში გავიდა, სადაც ბარსელონას დაუპირისპირდება.

მატჩები 8/9 და 15/16 აპრილს გაიმართება.