პარი სენ-ჟერმენის ქართველმა შემტევმა, ხვიჩა კვარაცხელიამ გულშემატკივრებთან სტრიმის დროს საკუთარ ჯანმრთელობის მდგომარეობაზე ისაუბრა.
როგორც იცით, მან ოქტომბერში, ბარსელონასთან ჩემპიონთა ლიგის მატჩში მარჯვენა მუხლის წინა ჯვარედინი იოგები გაიწყვიტა, რაც ფეხბურთელებისთვის ერთ-ერთ ყველაზე რთულ და ხანგრძლივ ტრავმად ითვლება.
მიუხედავად ფსიქოლოგიურად და ფიზიკურად მძიმე პერიოდისა, ხვიჩა ოპტიმისტურადაა განწყობილი და აღნიშნავს, რომ აღდგენითი პროცესი გეგმის მიხედვით მიდის.
დაახლოებით 6 თვე ვერ ვითამაშებ, თუმცა რეაბილიტაცია საკმაოდ კარგად მიმდინარეობს. ნაბიჯ-ნაბიჯ, ნელ-ნელა უკვე ვვარჯიშობ
წინასწარი პროგნოზით, ქართველი ფეხბურთელი ევროპულ ფეხბურთს გაზაფხულზე დაუბრუნდება. პსჟ-ის 7 ნომრის მთავარი მიზანი 2027 წლის 5 ივნისს, მადრიდში დაგეგმილ ჩემპიონთა ლიგის ფინალისთვის ფორმაში შესვლაა.
ლუის ენრიკეს გუნდი ევროპის პრესტიჟული ტურნირის ზედიზედ მესამედ მოგებას უმიზნებს და თუ კლუბი გადამწყვეტ მატჩამდე მივა, კვარაცხელიას მოედანზე ხილვის რეალური შანსი იარსებებს.