დუმილი ჰიმნის დროს — ირანის ქალთა ნაკრების პროტესტი ავსტრალიაში

ირანის ქალთა ეროვნულმა ნაკრებმა ავსტრალიაში მიმდინარე აზიის თასის სადებიუტო მატჩის წინ სახელმწიფო ჰიმნის სიმღერაზე უარი თქვა.

ეს იყო გუნდის პირველი გამოსვლა მას შემდეგ, რაც ახლო აღმოსავლეთში ომი დაიწყო.

სამხრეთ კორეასთან დაპირისპირების წინ, გუნდის ყველა წევრი ჰიმნის დროს დუმდა. თამაშის შემდეგ, ნაკრების მთავარმა მწვრთნელმა, მარზიე ჯაფარიმ და ფეხბურთელებმა მედიასთან კომენტარის გაკეთებაზე უარი თქვეს, როგორც მიმდინარე ომზე, ისე ირანის უმაღლესი ლიდერის, აიათოლა ალი ხამენეის გარდაცვალების ფაქტზე.

ავსტრალიელი ფეხბურთელები ირანელ კოლეგებს გამბედაობისთვის აქებენ.

ჩვენი გული მათთანაა, ეს ძალიან რთული სიტუაციაა და მათი მხრიდან აქ ყოფნა და თამაში ნამდვილი გმირობაა

ირანი ერთადერთი გუნდია ახლო აღმოსავლეთიდან, რომელმაც აზიის თასზე კვალიფიკაცია გაიარა.

ტურნირი 21 მარტამდე გაგრძელდება. ირანის ნაკრები მომდევნო მატჩს მასპინძელი ავსტრალიის წინააღმდეგ ხუთშაბათს გამართავს, კვირას კი ჯგუფური ეტაპის ბოლო შეხვედრაში ფილიპინებს დაუპირისპირდება.