ივა გელაშვილმა ბერძნული პანსერაიკოსის რიგებში პირველი გოლი გაიტანა. სუპერ ლიგის მე-17 ტურში, მისმა გუნდმა კიფისიას 2:1 მოუგო და სეზონში მე-2 გამარჯვება იზეიმა.
პანსერაიკოსი აგებდა, გელაშვილმა კი ანგარიში 59-ე წუთზე გაათანაბრა, რის შემდეგაც მასპინძლებმა 3 ქულის მომტანი გოლიც შეაგდეს.
ივასთვის პანსერაიკოსის შემადგენლობაში საერთოდ პირველი საგოლე მოქმედებაა - ჯამში მე-11 შეხვედრა ჩაატარა.
გელაშვილის გუნდს 17 ტურში 8 ქულა აქვს და სუპერ ლიგის ბოლო ადგილზეა. მომდევნო ტურში ესტუმრებიან აელ ლარისას, რომელსაც მათზე 2 ქულით მეტი აქვს.
