მადრიდის რეალის საპრეზიდენტო არჩევნების ყოფილმა კანდიდატმა, ენრიკე რიკელმემ, რომელმაც ფლორენტინო პერესთან ბრძოლაში ხმათა 35% მოაგროვა, ხანგრძლივი დუმილი დაარღვია და კლუბში არსებულ ვითარებაზე ისაუბრა.
რიკელმეს თქმით, ის პატივს სცემს არჩევნების შედეგებს, თუმცა არის საკითხები, რაც მას არ მოსწონს. მან ხაზგასმით აღნიშნა, რომ სამეფო კლუბის შესაძლო გაყიდვა ან წესდებაში ისეთი ცვლილებების შეტანა, რაც ამის კარს გააღებს, მისთვის მთავარი წითელი ხაზია.
პატივს ვცემ შედეგებს და რეალის გარშემო ერთიანობას ვითხოვ, თუმცა არის რაღაცები, რაც არ მომწონს. დრო გვიჩვენებს, დავბრუნდები თუ არა საპრეზიდენტო რბოლაში. კლუბის გაყიდვა ჩემთვის წითელი ხაზია და ყურადღებით დავაკვირდები წესდებაში ნებისმიერ შესაძლო ცვლილებას, რომ ეს არ დავუშვათ
მან ასევე აღნიშნა, რომ ამ ეტაპზე კლუბის გაყიდვის საფრთხეს ვერ ხედავს, თუმცა მოვლენების ასეთი სცენარით განვითარების შემთხვევაში, მოქმედებაზე გადასვლას აპირებს.
