ენრიკემ ტრავმირებულებზე ისაუბრა - კვარა არც ლილთან იქნება

პსჟ-ს მთავარმა მწვრთნელმა, ლუის ენრიკემ, გუნდის ტრავმირებული წამყვანი მოთამაშეების დაბრუნების საკითხზე, კომენტარი გააკეთა.

ესპანელი სპეციალისტის თქმით, ლილთან შეხვედრამდე ვერც ერთი მათგანი დაბრუნდება, მათ შორისაა ხვიჩა კვარაცხელია.

არსებული მდგომარეობით, პარიზელებს, დადასტურებულად, კვლავ არ ეყოლებათ კვარაცხელია, დემბელე, დუე, ნევეში, მარკინიოსი და ფაბიან რუისი.

აღვნიშნოთ, რომ რუისი ესპანეთის ნაკრებსაც ვერ დაეხმარება, რაც ნიშნავს, რომ საქართველოსთან შეხვედრაში, ლამინ იამალის შემდეგ, კიდევ ერთი დანაკლისი მისი სახითაა.

კვარამ დაზიანება ოსერთან 27 სექტემბერს გამართული მატჩისას მიიღო. მისი გუნდი მე-6 ადგილოსან ლილს 5 ოქტომბერს ესტუმრება. პსჟ, ლიონთან ერთად, ჩემპიონატის თანალიდერია - 15-15 ქულა აქვთ.