ერაყის ეროვნული ნაკრების თავდამსხმელი, აიმენ ჰუსეინი, 2026 წლის მსოფლიო ჩემპიონატის წინ ჩიკაგოში ჩასვლისას აეროპორტში 7 საათის განმავლობაში დააყოვნეს დაკითხვისთვის.
ინციდენტი მაშინ მოხდა, როდესაც ერაყის ნაკრები ჩიკაგოს აეროპორტში დაეშვა. სანამ გუნდის დანარჩენ წევრებს საზღვრის კვეთის უფლება უპრობლემოდ მისცეს, წამყვანი თავდამსხმელი დამატებითი შემოწმებისა და უსაფრთხოების სკრინინგისთვის დააკავეს.
ერაყის დელეგაციის მცდელობის მიუხედავად, პროცედურები გაგრძელდა, რის გამოც გუნდს ბაზაზე ჰუსეინის გარეშე დაბრუნება მოუწია.
შვიდსაათიანი დაკითხვისა და ადმინისტრაციული შემოწმების შემდეგ ფეხბურთელი გაათავისუფლეს და ის უკვე შეუერთდა თანაგუნდელებს. ერაყის ნაკრები მსოფლიო ჩემპიონატის წინ ბოლო ამხანაგურ მატჩს 9 ივნისს, ვენესუელის წინააღმდეგ გამართავს.
