დანიის ნაკრების ნახევარმცველმა, კრისტიან ერიქსენმა, დაადასტურა, რომ სახლში, ოჯახთან ერთად იმყოფება და თავს კარგად გრძნობს მას შემდეგ, რაც უკრაინასთან ამხანაგურ მატჩში მოედანზე გონება დაკარგა. აღნიშნული შეხვედრა 65-ე წუთზე, სწორედ ამ ინციდენტის გამო შეწყდა.
ერიქსენი კვლავ მოედანზე დაეცა - დანიის ფედერაციის განცხადება
ერიქსენის განმარტებით, მის სხეულში ჩადგმულმა კარდიოვერტერ-დეფიბრილატორმა (ICD), რომელიც მას 2021 წლის ევროპის ჩემპიონატზე გადატანილი გულის პრობლემის შემდეგ ჩაუსვეს, მატჩის მსვლელობისას ელექტროშოკი გამოუშვა, რამაც გულის მორიგი გაჩერება თავიდან ააცილა.
ფეხბურთელმა მადლობა გადაუხადა მოედანზე მყოფ სამედიცინო პერსონალსა და ექიმებს, რომელთა პროფესიონალიზმმა და აპარატის გამართულმა მუშაობამ მისი სიცოცხლე კიდევ ერთხელ გადაარჩინა.
ერიქსენმა აღნიშნა, რომ ახლა მისი მთავარი მიზანი სრული რეაბილიტაცია, ოჯახთან ერთად დროის გატარება და დასვენებაა.
