საქართველოს ეროვნული ლიგის 25-ე ტური საინტერესო მატჩებით გაიხსნა.
გათამაშების ლიდერმა რუსთავმა ზედიზედ მესამედ ვერ შეძლო გამარჯვების მოპოვება.
გუნდი მიხეილ მესხის სახელობის სტადიონის სათადარიგო მოედანზე აუტსაიდერ სპაერს ესტუმრა და შეხვედრა ფრედ, 1:1 დასრულდა. ანგარიში მე-26 წუთზე მასპინძელთა ნახევარმცველმა გოჩა ცირდავამ გახსნა, რასაც რუსთაველებმა 33-ე წუთზე ჟან სოუზა დე ალმეიდას ზუსტი დარტყმით უპასუხეს.
პარალელურად, მნიშვნელოვანი სამი ქულა მოიპოვა გორის დილამ, რომელმაც წყალტუბოში ადგილობრივი სამგურალი დამაჯერებლად, 1:3 დაამარცხა.
სტუმართა რიგებში გოლებით მამინ სანიანგი, შოთა შეყილაძე და მოჰამედ კანტე გამოირჩნენ, ხოლო მასპინძელთა მხრიდან ერთადერთი ბურთი კლაუდიო სებოლინიამ გაიტანა.
ამ ტურის შემდეგ რუსთავის აქტივში 43 ქულაა და ბათუმის დინამოსაც, რომელსაც ასევე 43 ქულა აქვს, პირველ ადგილზე გადასვლის რეალური შესაძლებლობა მიეცა.
