ლუკა ლოჩოშვილის ნიურნბერგმა ბუნდესლიგა 2-ის მეორეადგილოსან ელვერსბერგს 3:2 მოუგო. ქართველი მცველი მოედანზე ერთ-ერთი საუკეთესო იყო.
FlashScore-ის მიხედვით, ლოჩოშვილს 8.4 შეფასება ჰქონდა და ამ მხრივ მატჩის საუკეთესო ფეხბურთელი იყო, ხოლო SofaScore-მა მისი თამაში 7.9-ით შეაფასა, რაც მე-2 მაჩვენებელი გახლდათ.
ბავარიულმა კლუბმა, ჩემპიონატის ერთ-ერთ საუკეთესო გუნდთან გამარჯვების შემდეგ, 25 ქულა მოაგროვა, მე-8 ადგილზე აინაცვლა და პლეი-ოფის ზონას 8 ქულით ჩამორჩება.
მიროსლავ კლოზეს გუნდი შემდეგ ტურში, 23 იანვარს, შეხვდება დარმშტადტს, რომელიც სწორედ საპლეიოფო მე-3 ადგილზეა.
