ერთი ნაბიჯი ტიტულამდე - ფურცელაძე ფინალში სეტწაუგებლად გავიდა

ეგვიპტის ქალაქ ჰურგადაში მიმდინარე M15-ის კატეგორიის ტურნირზე, საბა ფურცელაძე ფინალში გავიდა.

ქართველმა ჩოგბურთელმა 1/2 ფინალში სერბ მარკო მილადინოვიჩს დამაჯერებლად აჯობა - 6:2; 6:2.

აღსანიშნავია, რომ საბამ მიმდინარე ტურნირზე მე-4 თამაში ჩაატარა და ყველა მათგანი ორ სეტში მოიგო.

ფინალურ შეხვედრაში ფურცელაძის მეტოქე იტალიელი ალექსანდრ ბინდა (ATP-ის რეიტინგის 445-ე ნომერი) იქნება, რომელიც მე-3 ნომრადაა განთესილი - საბა პირველი ნომერია (ATP-ის რეიტინგში 286-ე).