,,ეს დღეც დადგა" - სალაჰის ემოციური მიმართვა ლივერპულის გულშემატკივრებს

3 სთ წინ · 0 წთ წასაკითხად

ფონტის ზომა

მოჰამედ სალაჰმა ლივერპულის გულშემატკივრებს სეზონის ბოლოს მისი გუნდიდან წასვლა ამცნო და მიმართვა ჩაწერა.

,,სამწუხაროდ, ეს დღეც დადგა. ეს არის ჩემი გამომშვიდობების პირველი ნაწილი. სეზონის ბოლოს ლივერპულს დავტოვებ.

მინდა დავიწყო იმით, რომ ვერასდროს წარმოვიდგენდი, თუ ეს კლუბი, ეს ქალაქი და ეს ხალხი ჩემი ცხოვრების ნაწილი გახდებოდა. ლივერპული უბრალოდ საფეხბურთო კლუბი არ არის - ეს არის ვნება, ისტორია, სული, რომლის ახსნაც შეუძლებელია მათთვის, ვინც ამ კლუბის ნაწილი არ არის.

ჩვენ ერთად ვზეიმობდით გამარჯვებებს. მოვიგეთ ყველაზე მნიშვნელოვანი ტიტულები. ერთად ვიბრძოლეთ ჩვენი ცხოვრების ყველაზე რთულ პერიოდებში. მინდა მადლობა გადავუხადო ყველას, ვინც ჩემი დროის განმავლობაში ამ კლუბის ნაწილი იყო - განსაკუთრებით თანაგუნდელებს, წარსულსა და ახლანდელს, და გულშემატკივრებს.

საკმარისი სიტყვები არ მაქვს - მხარდაჭერა, რომელიც თქვენ მაჩვენეთ, ჩემი კარიერის საუკეთესო პერიოდში და ისიც, რომ ყველაზე რთულ დროსაც ჩემ გვერდით იდექით, არის ის, რასაც არასოდეს დავივიწყებ და ყოველთვის თან წავიღებ.

წასვლა არასდროს არის მარტივი. თქვენ მაჩუქეთ ჩემი ცხოვრების საუკეთესო დრო. მე ყოველთვის ერთ-ერთი თქვენგანი ვიქნები! ეს კლუბი ყოველთვის ჩემი სახლი იქნება - ჩემთვის და ჩემი ოჯახისთვის. მადლობა ყველაფრისთვის. თქვენი წყალობით, მე არასოდეს ვივლი მარტო." - ამბობს ეგვიპტელი ემოციურ ვიდეოში.

ოფიციალურად: სალაჰი სეზონის ბოლოს ლივერპულს ტოვებს