ინგლისის ეროვნული ნაკრების თავდამსხმელი ჰარი კეინი მიიჩნევს, რომ ხორვატიის ნაკრებზე მოპოვებული სარეკორდო გამარჯვება (7:0) მთელი ევროპისთვის სერიოზული გზავნილი გახდა.
როდესაც გარკვეული სათამაშო სტილი გაქვს, ვერ აირჩევ, როდის გამოიყენო ის. უნდა იყოთ დაუნდობელი და არ გაჩერდეთ. ოთხი გაიტანე - მეხუთე უნდა გინდოდეს. ასეთი მენტალიტეტია საჭირო, რომ ყოველთვის მშიერი იყოთ. ეს არის ის, რაც უნდა შეგვეცვალა, განსაკუთრებით დიდ მატჩებსა და დიდ ტურნირებზე, ასეთი თამაშები კი მხოლოდ დაგვეხმარება.
ძალიან კარგი გუნდის წინააღმდეგ ვითამაშეთ. ასეთი გამარჯვება ჩვეულებრივ მოვლენად ვერ აღიქმება, რადგან მატჩი ჩვენთვის შესაძლოა ძალიან რთულად წარმართულიყო.
ეს არის გზა გზავნილის გასაგზავნად - არა მხოლოდ საკუთარი თავისთვის, არამედ ევროპის სხვა გუნდებისთვისაც. ვფიქრობ, ჩვენ ეს კიდევ ერთხელ გავაკეთეთ.
ჩვენ მშიერები ვართ. ახალგაზრდა გუნდი ვართ. ახლა გვყავს ფეხბურთელები შესანიშნავ ფორმაში და, მეჩვენება, რომ ყველას უბრალოდ მოედანზე გასვლა სწყურია. ასეთი მატჩები კი კიდევ უფრო მეტად მოტივირებულს გვხდის", - განაცხადა დუბლის ავტორმა ფორვარდმა.
