ევერტონმა გრილიშის ტრანსფერი დაადასტურა

ევერტონის ოფიციალურმა გვერდმა ჯეკ გრილიშის ტრანსფერი დაადასტურა.

ინგლისელი ფეხბურთელი ლივერპულულ გუნდში მანჩესტერ სიტიდან ერთწლიანი იჯარის წესით ითამაშებს.

გრილიში ლურჯების შემადგენლობაში 18-ნომრიანი მაისურით იასპარეზებს. ევერტონს ჯეკის გამოსყიდვის უფლება სეზონის ბოლოს 50 მილიონ ფუნტად ექნება.

"არის მიზეზი რატომაც 18 ნომერი ავირჩიე. ჩემი ორი ფავორიტი ინგლისელი ფეხბურთელი, უეინ რუნი და პოლ გასკოინი აქ 18 ნომრით თამაშობდნენ.

აქ გადმოსვლამდე რუნის ველაპარაკე და ვუთხარი 18 ნომერზე. იმედია, ისიც ბედნიერია." - განაცხადა გრილიშმა კონტრაქტის გაფორმების შემდეგ.